ЖРК Ѓорче Петров со победа против Бањик Мост во Европската лига
ЖРК Ѓорче Петров забележа значајна победа на европската сцена, совладувајќи го чешкиот Бањик Мост со 22:18, во првиот натпревар од двомечот во EHF European League Women.
Натпреварот во СЦ „Јане Сандански“ донесе тешка и неизвесна ракометна битка, во која доминираа одличните одбрани на двете екипи. По првите 30 минути резултатот беше израмнет – 10:10.
И во второто полувреме се играше гол за гол. Во 50. минута на семафорот стоеше 15:15, но тогаш следуваше клучниот период од натпреварот.
Ѓорче Петров направи серија од 4:0, со која го презеде натпреварот и во завршницата успеа да ја зачува предноста. Конечниот резултат 22:18 донесе четири гола предност пред реваншот во Чешка.
ЖРК Ѓорче Петров – Бањик Мост 22:18
Полувреме: 10:10 | EHF European League Women
Во победата значаен придонес имаше и голманката Милена Вујишиќ како дел од тимот, додека Ѓорче Петров со цврста одбрана и одлична завршница стигна до четири гола предност.
Но, европскиот натпревар не се игра само 60 минути
Додека вниманието на публиката е насочено кон головите, одбраните и резултатот, покрај теренот се одвива уште една, помалку видлива, но исклучително важна работа.
За секој професионален спортски тим, натпреварот започнува многу пред првиот судиски свиреж.
Подготовката, следењето на физичката состојба на играчите, превенцијата, третманот, регенерацијата и грижата за опоравувањето се дел од работата на физиотерапевтскиот тим.
Според официјалниот EHF Match Report, во службениот тим на ЖРК Ѓорче Петров за овој европски натпревар беше запишан и физиотерапевтот Блаже Арсов а младиот физиотерапевт Борјан асиситираше во подготовките на ракометарките .
Четири гола за пат кон Чешка
Со победата од 22:18, Ѓорче Петров обезбеди значајна предност пред реваншот.
Силната одбрана, одличната голманска претстава на Милена Вучиќ и одличната завршница беа меѓу клучните елементи за победата.
Реваншот против Бањик Мост ќе се одигра на 10 октомври во Мост, Чешка, каде Ѓорче Петров ќе се обиде да ја потврди победата и да продолжи во следната фаза од европското натпреварување.
Честитки за лавиците од Ѓорче Петров за одличната победа! Нека се множат европските победи! 🦁🇲🇰
Повеќе информации за статистиката на натпреварот на следниот линк
Фото: Facebook/Ѓорче Петров – ЖРК
