Партнерство со fizioterapevti.mk

Поврзете го вашиот бренд со заедницата на физиотерапевти во Македонија.

Fizioterapevti.mk нуди можности за промоција на брендови, стручно претставување производи и развој на дополнителен продажен канал во областа на физиотерапијата и рехабилитацијата.

Секоја понуда за партнерство се разгледува индивидуално. Соработката започнува по претходно одобрување на компанијата и предложените производи и по договор за условите.

Блаже Арсов — дипломиран физиотерапевт со повеќе од 20 години професионално искуство во физиотерапијата и рехабилитацијата.

Јас сум лицето што ја развива и ја води платформата fizioterapevti.mk од 2014 година . Благодарение на моето долгогодишно практично искуство, ги познавам потребите на пациентите и предизвиците со кои се соочуваат физиотерапевтите во секојдневната работа.

Моето искуство ми овозможува полесно да ги препознаам потребите на пациентите, да придонесам во планирањето на соодветен рехабилитациски пристап и да ги идентификувам средствата, опремата и терапевтските помагала што можат да бидат потребни во различните фази од рехабилитацијата.

Преку fizioterapevti.mk, на компаниите им нудам можност за промоција на брендови, стручно претставување производи и развој на дополнителен продажен канал во областа на физиотерапијата и рехабилитацијата. Притоа, моето професионално искуство е основа за процена на релевантноста и практичната применливост на предложените производи за физиотерапевтската практика.

Мојот пристап се заснова на стручно искуство, внимателно разгледување на понудите и процена на соодветноста на производите за платформата и нејзината публика.

Мојата цел е да воспоставам долгорочни партнерства засновани на професионална доверба, одговорност и јасно дефинирани услови за соработка.

Блаже Арсов
Основач и сопственик на платформата fizioterapevti.mk

Промоција на бренд

Продажен партнер

Стратешко партнерство

Комбинирани промотивни активности
Претставување производи во Physio Shop
Тематски содржини за вашиот бренд
Следење на резултатите од соработката

Промоција на бренд — 24.000 денари годишно

Промоција на бренд

Годишен нето-надоместок: 24.000 денари

Пакетот е наменет за компании што сакаат да ги претстават својот бренд и производите пред публиката на fizioterapevti.mk, без обврска производите да ги продаваат преку Physio Shop.

Пакетот вклучува:

Посебна промотивна статија за секој од најмногу 5 претходно одобрени производи.
Банер на почетната страница на fizioterapevti.mk во период од 12 месеци, со линк до договорената промотивна содржина.
Линкови од објавените статии до официјалната веб-страница на компанијата или до соодветните страници на производите.
Подготовка на промотивни содржини врз основа на доставените информации и достапната документација за производите.

Дополнителни производи: 1.200 денари нето за секој дополнителен одобрен производ над основните 5.

Одобрување на партнерството: Секоја компанија и секој предложен производ подлежат на претходно разгледување и одобрување од Блаже Арсов. Објавувањето се реализира по договор за содржината и условите за соработка.

Наведените износи се нето-надоместоци за примателот. Даночниот третман и вкупниот трошок за исплатувачот се утврдуваат согласно важечките прописи и договорот.

Продажен партнер — 12.000 денари годишно + 10% провизија

Годишен нето-надоместок: 12.000 денари

Пакетот е наменет за производители, увозници и дистрибутери што сакаат да ги претстават и продаваат своите производи преку Physio Shop на fizioterapevti.mk.

Пакетот вклучува:

Претставување до 5 претходно одобрени производи во Physio Shop.
Посебна страница за секој производ со фотографии, опис, карактеристики, цена и информации за нарачка.
Можност за пристап до дополнителен продажен канал во областа на физиотерапијата и рехабилитацијата.
Следење на нарачките што потекнуваат од платформата и месечен извештај за продажбата.

Деталниот опсег на услугите, основицата за провизија и даночниот третман се утврдуваат со договор.

Стратешко партнерство — 30.000 денари годишно + 10% провизија

Годишен нето-надоместок: 30.000 денари

Дополнително: 10% нето провизија од реализираните продажби, според основицата утврдена во договорот.

Комбиниран пакет за компании што сакаат долгорочно да го промовираат својот бренд и да ги понудат своите производи преку Physio Shop.

Пакетот вклучува:

• Промотивен банер на договорена позиција.
• До 5 промотивни статии годишно.
• Претставување до 10 производи во Physio Shop.
• Страници за производите со фотографии и описи.
• Извештаи за промотивните активности и продажбата.

Деталниот опсег на услугите, основицата за провизија и даночниот третман се утврдуваат со договор.

Како започнува партнерството?

Соработката со fizioterapevti.mk започнува со претходно разгледување на компанијата и производите што сакате да ги претставите преку нашата платформа.

1. Испратете барање за соработка

Претставете ја вашата компанија, наведете ја дејноста, посочете за кој партнерски пакет сте заинтересирани и опишете ги производите што сакате да ги промовирате или понудите преку Physio Shop.

2. Следува разгледување на понудата

Секое барање се разгледува индивидуално. Ги оценуваме дејноста на компанијата, видот и намената на производите, нивната соодветност за платформата и потребната документација.

3. Одобрување и договор за соработка

По разгледувањето, доколку компанијата и предложените производи бидат одобрени, продолжуваме со договарање на пакетот, опсегот на услугите, надоместокот и останатите услови за соработка.

Важно: Испраќањето барање не гарантира прифаќање на компанијата или објавување на производите. Fizioterapevti.mk го задржува правото да одбие соработка или да не одобри одредени производи. Во продажниот дел на платформата се објавуваат исклучиво производи што претходно се одобрени.