Обезност кај деца – причини, последици и улога на физиотерапијата
Обезноста кај деца во Македонија претставува сериозен и сè почест здравствен проблем кој директно влијае на коскено-зглобниот систем, физичката активност и квалитетот на живот. Според најновите податоци од WHO COSI истражувањето, речиси секое трето дете има прекумерна телесна тежина.
Колку е честа детската обезност во Македонија?
Најновите податоци покажуваат дека кај децата од 6 до 9 години во Македонија:
- 31,2% имаат прекумерна телесна тежина
- 13,7% живеат со обезност (дебелина)
Овие резултати ја ставаат Македонија над европскиот просек и укажуваат на растечки тренд на детска дебелина и прекумерна тежина.
Причини за обезност кај деца
Најчести фактори кои придонесуваат за појава на прекумерна тежина кај децата се:
- недоволна физичка активност
- долго седење и време пред екрани
- нездрава и висококалорична исхрана
- недоволна спортска активност
- семејни и навики во животниот стил
Последици од детска дебелина врз телото
Обезноста кај децата не е само естетски проблем. Таа има директно влијание врз:
Коскено-зглобен систем
- зголемено оптоварување на колена и колкови
- појава на болки во зглобовите
- зголемен ризик за деформации на стапалата (рамни стапала)
‘Рбет и држење на телото
- неправилно држење
- зголемена лумбална лордоза
- болки во грбот кај адолесценти
Физичка способност
- намалена издржливост
- потешкотии при трчање и скокање
- побрз замор при физичка активност
Детска обезност и ризик за идни заболувања
Истражувањата покажуваат дека децата со прекумерна тежина имаат поголем ризик за:
- рана појава на болки во колената
- развој на артроза во подоцнежна возраст
- хронични проблеми со ‘рбетот и зглобовите
Улогата на физиотерапијата кај деца со прекумерна тежина
Физиотерапијата има клучна улога во третман и превенција на детска обезност, преку:
- проценка на држење и движење
- индивидуални програми за вежбање
- подобрување на мускулна сила и стабилност
- намалување на болки во зглобовите
- безбедно зголемување на физичката активност
Најдобри активности за деца со обезност
Најпрепорачани активности се:
- пливање (најмало оптоварување на зглобовите)
- велосипедизам
- брзо одење
- вежби со сопствена тежина
- рекреативни спортски игри
Заклучок
Обезноста кај децата во Македонија е сериозен јавно-здравствен предизвик. Раната интервенција, редовната физичка активност и стручно водена физиотерапија се клучни за спречување на долгорочни последици врз системот за движење.
Автор :
Блаже Арсов
Дипломиран Физиотерапевт
Спец.Физиотерапевт за рехабилитација при травматологија,хирургија и ортопедија
Центар за менаџирање на обезност при
Жан Митрев Клиника , Скопје
Линк од гостување на Телма Амбуланта
