Физиотерапевтски третман при дисторзија на глуждот

Физиотерапискиот третман при дисторзија на глуждот често започнува со краток период на имобилизација и одмор за да се намали отокот и да се избегне дополнително влошување на повредата. Во раните фази, физиотерапијата често вклучува низа вежби со движење и изометриско зајакнување. Во текот на оваа рана фаза, вашиот физиотерапевт исто така може да користи модалитети како што се акупунктура, мраз и мануелна терапија за да го намали отокот и да го подобри вашиот опсег на движења. Во зависност од тежината на истегнувањето на глуждот, физиотерапевтот дизајнира програма за третман за да го подобри процесот на заздравување и советува да се вратите на активностите и спортот.

Физиотераписките интервенции вклучуваат употреба на криотерапија,кинезиотејпинг, бандажирање и електромодалитети како TENS, терапевтски ултразвук, биостимулирачки ласер,функционална магнетна стимулација ,и вежби .

Почетниот третман при акутно истегнување на глуждот е фокусиран на контролата на болката и отокот. Од терапевтските вежби се применуваат активни вежби за стапалата и прстите кои ни помагаат да ја зачуваме мускулната сила. Како помошен модалитет, може да се користат преврзувачки или компресивни завои кои имаат за цел да го намалат отокот.

Како што опсегот и силата почнуваат да се подобруваат, се воведуваат вежби за рамнотежа. Во последните фази на рехабилитација, напредуваат вежбите за зајакнување и рамнотежа за да ви помогнат да се вратите на активностите пред повредата.

Тренингот за рамнотежа е важен аспект на рехабилитацијата на глуждот бидејќи лошата рамнотежа често е ризик за идни исчашувања на глуждот и постојана нестабилност на глуждот. Вежбите се поедноставни на почетокот, како што е рамнотежата на една нога и напредуваат до вежби кои бараат остри вртења или движења кои се потребни за спорт, откако ќе се ослободите од болка.

Повреди на латералниот лигаментен комплекс на глуждот I. и II. степени се третираат конзервативно. Се препорачува пократок период на имобилизација и ран почеток на рехабилитација. Врз основа на прегледот и медицинската историја, се проценува сериозноста и прогнозата на повредата и соодветно се уредува рехабилитациониот третман. Обновувањето на ткивото се состои од 4 фази: воспалителна фаза, фаза на пролиферација, рана фаза и доцна фаза на ремоделирање.

Техниките на мобилизација во оваа рана фаза на рехабилитација главно се сведуваат на интермитентно влечење на зглобот на горниот дел од ногата со цел да се намали / акумулира отокот во зглобот. Откако ќе се намали големината на едемот, може да се започнат вежби со опсег на движење, а може да се користат и техники за мобилизација за да се зголеми и поттикне нормалниот опсег на движења во повредениот зглоб.

На лицето му се советува да користи патерици за подлактицата при ставање тежина на стапалото за да се намали оптоварувањето на повреденото место поради воспалителната фаза и со тоа да се забрза процесот на заздравување.

Во подоцнежните фази, главни цели се воспоставување на функцијата и што поскоро враќање на активностите од секојдневниот живот. Целта на последната фаза е да се воспостави проприоцептивна функција и статичка и динамичка рамнотежа.

За спортистите, рехабилитацијата продолжува до постигнување на задоволителна способност за оптоварување на глуждот во согласност со барањата на конкретниот спорт.

Програмата за третман често се движи од 4 недели за мали исчашувања и до 12 недели за потешки исчашувања.

Превенција на истегнување на глуждот

Најдобар начин да се спречи истегнување на глуждот е да се осигура дека глуждот има добра сила, рамнотежа и опсег. Еве неколку совети кои можат да помогнат да се спречи исчашување

• Бидете внимателни кога одите или трчате на нерамни површини
• Носете соодветни обувки кои ќе ве поддржат за активноста што ја правите
• Правете вежби за подобрување на стабилноста на глуждот

За целосно заздравување на исчашувањата на глуждот се потребни речиси 4 месеци, во зависност од тежината. Додека спортувате потребна е константна поддршка на глуждот, како што е ортоза за глужд, или кинезиотејпинг/бандажа , да носите високи патики или планинарски чизми за време на заздравувањето за да се заштитат лигаментите. За да спречите повторна повреда, продолжете со вежби за истегнување особено пред и после физички активности. Треба да се продолжат вежбите за зајакнување на мускулите и вежбите за рамнотежа за да се одржи силата на глуждот. Долготрајната болка и слабост во зглобовите може да се забележат кај луѓе со сериозно или повторено истегнување на глуждот, затоа сите препорачани вежби треба да продолжат да се спроведуваат.

Блаже Арсов , Дипл.Физиотерапевт ,Специјалист за рeхабилитација во хирургија ,трауматолoгија и ортопедија ,сопственик на портaлот www.fizioterapevti.mk  каде што објавува медицински информативни текстови. Целосно насочен кон грижата на клиентот и неговиот процес на рехабилитација. За да дознаете повеќе, посетете го неговиот профил на www.fizioterapevti.mk