Здрави и силни муксули на карличното дно се од клучен аспект на целокупната благосостојба на организмот, нивната засегнатост може да влијае на функцијата на уринарниот и дигестивниот тракт па се до сексуалното здравје. Уредите за електростимулација , познати по своите способности за третман на спортски повреди или ублажување на болката, во поселдно време сè повеќе наоѓаат примена и во зајакнувањето и тонирањето на мускулите на дното на карлицата. Во овој водич, ќе ги потенцираме придобивките, техниките и основните совети за искористување на моќта на овие уреди за ефикасен третман на карличното дно, промовирајќи подобро здравје и подобрување на квалитетот на животот .

Прво да се запознаеме кои се мускулите на дното на карлицата?

Мускулите на карличното дно се група на мускули кои формираат структура слична на заграда околу карличниот регион. Постојат три главни структури кои ги формираат мускулите на дното на карлицата, вклучувајќи :
• Levator ani, кој се состои од три помали мускули, пубококцигеус,( pubococcygeus) Пуборекталис (puborectalis) и илиококцигеус (iliococcygeus),
• Кокцигеус (Coccygeus)
• Фасцијата е поставата која го обвива целиот карличен регион.

Што прават мускулите на карличниот под?

Карличните мускули колективно му помагаат на телото со неколку витални функции.
А тоа се :
• Создавање ефект на зацврстување околу карличната област за време на активности како што се кревање и кашлање
• Помага при континенција на урина и измет
• Обезбедување стабилност на торзото и грбот
• Поддршка на органите во карличниот регион,вклучувајќи го мочниот меур, ректумот и матката кај жени.

Што може да предизвика слабост на мускулите на карличниот под?

Постојат голем број на причини кои најчесто предизвикуваат слабост на мускулите на карличното дно.

А тоа се :

• Обезноста
• Бременост и породување
• Напрегање од долгорочен запек
• Невролошки состојби (на пр.повреда на ‘рбетниот мозок,мултиплекс склероза,итн.)
• Кревање на тешки предмети
• Стареење

Симптоми на дисфункција на карличното дно

Постојат низа симптоми поврзани со дисфункција на карличното дно. Еве дел од нив :

• Пролапс на карличните органи,кој може да се чувствува како испакнатост или притисок во карличниот регион
• Уринарна инконтиненција (на пр., ненадеен нагон,истекување на урина за време на напорни активности)
• Фекална инконтиненција
• Запек
• Болка во карлицата
• Болка во долниот дел на грбот
• Сексуална дисфункција
• Зголемен ризик од развој на инфекции на уринарниот тракт

Како може третманот со електростимулација да ми помогне во обновувањето на мускулите на карличното дно?

Вообичаено, уредите за нервно-мускулна стимулација се користат во намалувањето на болката бидејки струјата поминува низ кожата и ги блокира сигналите за болка. Болката во карлицата и долниот дел на грбот се некои вообичаени симптоми поврзани со дисфункција на карличното дно. Истражувањата сугерираат дека овој тип на третман може да го зголеми протокот на крв и да ги блокира сигналите за болка до мускулите на карлицата . Овие уреди нудат можност за спроведување на неинвазивен третман на мускулите на краличното дно.

Невромускулната електростимулација е метод во кој мускулите или моторните нерви се стимулираат со помош на електрични импулси. Уредот испраќа тековни импулси до мускулите за да ги стимулира да се контрахираат. Овој метод се користи за ослабени мускули, кога природниот механизам на нервниот систем не е во состојба да ги доведе до контракција, меѓу другото и при третман на уринарна инконтиненција. По само неколку недели редовен третман, мускулите треба да бидат посилни.

Поради широкиот опсег на промени во параметрите за стимулација, може да се прилагоди на различни барања и очекувања.

Откако ќе ја изберете вистинската програма, полека зголемувајте го интензитетот на електричните импулси и започнете со стимулација. Третманот може да се спроведе со примена на, вагинална сонда (во случај на терапија со уринарна инконтиненција – кај мажите може да се користи ректална сонда) или лепливи електроди залепени на кожата во близина на мускулот што треба да се рехабилитира.

Еве ги најдобрите практики за спроведување на третманот :

Користење на вагинална или анална сонда за стимулација на карличното дно.

Пред да ги користите вагиналните и аналните сонди, важно е да го подготвите следново:

• Посетете го тоалетот пред почетокот на третманот
• Користете мала количина лубрикант на база на вода на сондата пред да ја вметнете.
• Изберете удобна положба
• Вметнете ги сондите во вагината или ректумот.

Лепливи електроди како алтернатива на вагиналните и аналните сонди 

Алтернатива на третманот со сондите е поставувањето  на лепливи електроди со висока спроводливост. Првата електрода се поставува помеѓу гениталиите и ректумот а втората се поставува во основата на ‘рбетот, во близина на сакрумот или опашната коска.

Од кога ќе ги поставите соодветно електродите според дадените упатства треба да го одберете програмот во уредот наменет за овој тип на третман и да започнете со постепено зголемување на интензитето до степен на удобност .
Времетраењето на третманот е 20-30 минути дневно , а пет сесии неделно е доволно за да се забележи подобрување. За да се забрза процесот на рехабилитација потребно е да се спроведуваат и кегел вежби според дадените насоки од физиотерапевтот.

Каде и кога да не се спроведува овој третман

Иако уредот за стимулација е генерално безбеден за употреба, но сепак постојат околности и регии каде што е потребна внимателност. Ситуациите и областите што треба да се избегнуваат :
• Премногу оштетена кожа (на пр., рани, исеченици, итн.)
• Променето чувство (на пример, пецкање, области со намалена чувствителност, итн.)
• Околу отечени области, во близина на рак или згрутчување,
• Области изложени на радиотерапија или зрачење
• Ако имате состојба на напади
• Крварење (на пример, хемороиди, ректално крварење, итн.)
• За време на инфекции на мочниот меур или вагината

Дополнително, ситуации треба да избегнуваат : за време на бременоста, луѓе со вградени уреди (т.е. пејсмејкери, невростимулатори итн.), оние со когнитивни или ментални предизвици.

References:

TeachMeAnatomy. (n.d.). Pelvic Floor Muscles.
National Institute of Child Health and Human Development. (2022.). Pelvic Floor Disorders: Symptoms and Causes.

Park, S. H., & Kang, C. B. (2014). Effect of Kegel exercises on the management of female stress urinary incontinence: a systematic review of randomized controlled trials. Advances in Nursing, 2014, 1-10.

Sharma, N., Rekha, K., & Srinivasan, J. K. (2017). Efficacy of transcutaneous electrical nerve stimulation in the treatment of chronic pelvic pain. Journal of mid-life health, 8(1), 36.

Slovak, M., Chapple, C. R., & Barker, A. T. (2015). Non-invasive transcutaneous electrical stimulation in the treatment of overactive bladder. Asian Journal of Urology, 2(2), 92-101.

Ghaderi, F., Bastani, P., Hajebrahimi, S., Jafarabadi, M. A., & Berghmans, B. (2019). Pelvic floor rehabilitation in the treatment of women with dyspareunia: a randomized controlled clinical trial. International urogynecology journal, 30, 1849-1855.

Harvey, M. A. (2003). Pelvic floor exercises during and after pregnancy: a systematic review of their role in preventing pelvic floor dysfunction. Journal of Obstetrics and Gynaecology Canada, 25(6), 487-498.

University of Iowa Health Care. (2018). Pain Medicine Patient Education: Contraindication & Precautions for Commonly Prescribed Medications & Therapies.