💢 Пириформис синдром

▪️Тоа е состојба во која мускул пириформис го компресира ишијатичниот нерв, предизвикувајќи симптоми на ишијас по должина на на долниот екстремитет.

▪️Нормално, ишијатичниот нерв излегува од внатрешниот дел на карлицата помеѓу  мускул пириформис и горниот дел од мускул гемелус.

▪️Меѓутоа, приближно 10% до 20% од случаите, дел или целиот ишиатичен нерв или излегува преку пириформисот, или над него, помеѓу пириформисот и глутеусот медиус.

▪️Без разлика на односот на пириформисот и ишијатичниот нерв, доколку мускулот е доволно затегнат, нервот може да биде компримиран, што резултира со ишијас.

▪️Доколку дојде до компресија на ишијасот и се појават симптоми на ишијас, тогаш без разлика на причината, тоа може правилно да се нарече ишијас.

💠 Механизам и причини

▪️Мускулот пириформис може да се згрчи поради прекумерна употреба.

▪️Пириформисот делува како страничен ротатор на бутот на зглобот на колкот, како и контралатерален ротатор на карлицата на зглобот на колкот.

▪️Пириформисот е исто така функционално важен кон стабилизирање на сакрумот т.е на сакроилијачниот зглоб и стабилизирање на зглобот на колкот.

💠 Управување

▪️Бидејќи синдромот на пириформис е состојба од мускулно потекло, тоа значи дека добро ќе реагира на манипулација со меките ткива.

▪️Мануелна терапија и истегнување можат да бидат значително  корисни при справување со овој проблем.

Но исто така можат да бидат применети и други физиотерапевтски методи како што се кинезиотејпинг , електротерапија, терапевтски ултразвук,IASTM , вендузи/cupping, и слично.

Блаже Арсов , Дипл.Физиотерапевт ,Специјалист за рeхабилитација во хирургија ,трауматолoгија и ортопедија ,сопственик на портaлот www.fizioterapevti.mk каде што објавува медицински информативни текстови. Целосно насочен кон грижата на клиентот и неговиот процес на рехабилитација. За да дознаете повеќе, посетете го неговиот профил на www.fizioterapevti.mk